Nosc fin ie de sustenì y de judé do acioche nosc sculeies y nosta sculées posse scuvrì, svilupé y slargë ora si nteresc persunei y si talënc. Nëus ti dajon gran mpurtanza al mparé autonom y efizient y al svilup de na cuscienza democratica tl respet dl proscimo. Sculées y sculeies dëssa mparé a se nuzé di media y dla tecnologies nueves cun respunsabltà y cun uedl critich.
Mutons y mutans à dërc. La cunvenzion di dërc di mutons ie n tratat dla cumenanza nternaziunela di stac, la UNO. I dërc scric te chësta acurdanza dëssa miuré la cundizions de vita de mutons/mutans y jëuni/es sun dut l mond. 194 stac a livel mundiel à azetà la cunvenzion di dërc di mutons.
” ie na proposta nueva per genitores che pieta orientamënt, n sustëni pratich y nce pusciblteies de cunsulënza. Chësta iniziativa de renfurzé educadësses y educadëures tla maniera de adurvé i media digitei a bën dla familia ntiera. L’ie unì crià n placat y na brosciura cun 10 cunsëies per genitores. Te la plata web www.eltern-medienfit.bz / www.genitori-connessi.bz pon giaté mo d’autra nfurmazions sun co adurvé i media te familia.
La brosciura pon nce desćiarië dala plata web www.provinzia.bz.it/intendenza-ladina