Scola mesana Urtijëi "Ujep Antone Vian"
La scola mesana à da mustré su n gran svilup ti ani. La ie stata la prima scola mesana dla valeda y la ie al didancuei na istituzion furmativa al var cun i tëmps y na fujina dl mparé. Nosta scola mesana se mesura cun la ndesfidedes de nösc tëmp y se proa a pité na ufierta de furmazion adateda.
Tla scola mesana vën adum i sculeies dla scola elementera de Urtijëi y chëi de Runcadic.
L frabicat da śën ie dl 1968 y à bujën de unì adatà. Ti proscimi doi ani iel udù dant lëures de miuramënt.
